ՀՀ-ում անշարժ գույք ձեռք բերելիս Թուրքիայի և Ադրբեջանի քաղաքացիների համար գործում են նույն ընթացակարգերը

Կառավարության նիստից հետո լրագրողները Կադաստրի կոմիտեի ղեկավար Սուրեն Թովմասյանից հետաքրքրվեցին՝ արդյոք նույն ընթացակարգով կարո՞ղ են օտարերկրյա քաղաքացիներն, այդ թվում Ադրբեջանի և Թուրքիայի, մեր երկրում անշարժ գույք ձեռք բերել։

«Գյուղատնտեսական նշանակության հողերը չեն կարող գնել այլ պետությունների քաղաքացիները, իրավաբանական անձինք։ Մնացած բոլոր դեպքերում ընթացակարգը նույնն է։ Բոլորն էլ կարող են դիմել և համապատասխան գործարքը կնքել»,- ներկայացրեց նա։