Իրանում ահաբեկչության հետևանքով 13 օտարերկրյա քաղաքացի է զոհվել

Իրանի հարավում գտնվող Քերմանում տեղի ունեցած ահաբեկչության հետեւանքով 13 օտարերկրյա քաղաքացի է զոհվել, հայտնում է Mehr-ը։

Իրանի Իսլամական Հանրապետության միգրացիայի ազգային կազմակերպության հասարակայնության հետ կապերի գրասենյակն ուրբաթ օրը հայտնել էր, որ զոհերի թիվը 12 է։ Աֆղանստանի մեկ քաղաքացի, ով այնտեղ վիրավորվել էր, ավելի ուշ մահացել է։

Մահացած օտարերկրյա քաղաքացիների անունները հետևյալն են.

Ռեզա Նուրզեհի, Մոհամմադ Քասեմ Ահմադի, Մարիամ Տաջիկ, Մոհամմադ Մատին Ահմադի, Մոհամմադ Տաջիկ, Նազանին-Ֆաթեմեհ Ազիզի, Զահրա Ֆեյզի, Նազիֆե Ղաֆուրի, Նեաթոլլահ Աչքազի, Լատիֆե Աչքազի, Մասումե Աչքազի, Ռազգոլ Ալիզեհի և Ամիր Ալի Բամերի:

Հիշեցնենք, որ հունվարի 3-ին իրանական Քերման քաղաքում երկու ահաբեկչական պայթյուն է տեղի ունեցել՝ Իրանի Իսլամական հեղափոխության պահապանների կորպուսի ստորաբաժանման հրամանատար, գեներալ-լեյտենանտ Ղասեմ Սոլեյմանիի սպանության 4-րդ տարելիցին, ով սպանվել էր 2020 թվականին Բաղդադում ԱՄՆ ավիահարվածի ժամանակ։ Վերջին պաշտոնական տվյալներով՝ ահաբեկչության հետեւանքով զոհվել է 89 մարդ։