Ստամբուլի մոտակայքում երկրաշարժ է տեղի ունեցել

Թուրքիայում 4,1 մագնիտուդ ուժգնությամբ երկրաշարժ է գրանցվել, որը զգացվել է Ստամբուլում։ Այս մասին հաղորդում է Թուրքիայի աղետների կառավարման վարչությունը (AFAD)։

Հրապարակված տվյալների համաձայն՝ ստորգետնյա ցնցումները գրանցվել են դեկտեմբերի 17-ին տեղական ժամանակով 23։53-ին Մարմարա ծովում՝ ափից 8,52 կմ հեռավորության վրա։ Երկրաշարժի օջախը գտնվել է 11,18 կմ խորության վրա։

Հաղորդվում է, որ երկրաշարժը զգացվել է Ստամբուլում։ Առայժմ ավերածությունների մասին տեղեկություններ չեն հաղորդվել, սակայն AFAD-ն ու դրա հետ կապված ստորաբաժանումները շարունակում են տեղում գնահատել իրավիճակը։