Հիմա վերադառնալու ճիշտ ժամանակն է. Նադալ

Իսպանացի Ռաֆայել Նադալը հայտնել է վնասվածքից վերադառնալու ժամկետը։ Հունիսի սկզբին նա վիրահատվել էր։

«Մեկ տարի կորտից դուրս մնալուց հետո, կարծում եմ, որ հիմա վերադառնալու ճիշտ ժամանակն է, ուստի պատրաստ եմ հայտարարել, որ կվերադառնամ Բրիսբեն մրցաշրջանի առաջին շաբաթվա ընթացքում»,- գրել է Նադալը սոցցանցում։

37-ամյա իսպանացին 2023 թվականի Ավստրալիայի բաց առաջնությունում վնասվածք ստանալուց հետո մրցաշարերի չի մասնակցել Հոկտեմբերի 11-ին Ավստրալիայի բաց առաջնության տնօրեն Քրեյգ Թայլին հաստատեց, որ Նադալը կխաղա մրցաշարում 2024 թվականին։

Նադալը «Մեծ սաղավարտի» 22-ակի հաղթող է։ Նա նաև իր կարիերայի ընթացքում նվաճել է 92 ATP մենախաղի տիտղոս։