Էվերթոնը բողոքարկել է Պրեմիեր լիգայի 10 միավորից զրկվելու որոշումը

«Էվերթոն» ֆուտբոլային ակումբն այսօր բողոք է ներկայացրել Պրեմիեր լիգայի դատական հանձնաժողովի նախագահին՝ ընդդեմ Պրեմիեր լիգայի հանձնաժողովի՝ ակումբից 10 միավոր հանելու որոշման դեմ:

Այժմ կնշանակվի բողոքարկման խորհուրդ՝ գործը քննելու համար: Այս մասին հայտնում է լիվերպուլյան ակումբի մամուլի ծառայությունը։

Հիշեցնենք, որ Անգլիայի Պրեմիեր լիգան ֆինանսական ֆեյր-փլեյի կանոնները խախտելու համար «Էվերթոնին» զրկել է մրցաշարային աղյուսակի 10 միավորից։

Սրա պատճառով թիմը 14-րդ տեղից իջել է 19-րդ՝ անկման գոտի: Անցկացրած 13 հանդիպումներից հետո անգլիական ակումբին մնացել էր ընդամենը չորս միավոր։