Մենք բոլորս ուզում ենք, որ Հայաստանում ընտրությունները լավագույնս անցնեն. Ֆրանսիայի դեսպան
Հայաստանի առաջիկա կայանալիք խորհրդարանական ընտրություններում ներդրված էլեկտրոնային համակարգը կոչված է բարձրացնել վստահությունն ընտրությունների նկատմամբ։ Այս մասին ասել է Ֆրանսիայի արտակարգ եւ լիազոր դեսպան Ժան-Ֆրանսուա Շարպանտյեն` փետրվարի 14-ին տեղի ունեցած մամուլի ասուլիսի ժամանակ։
Պատասխանելով ընտրական գործընթացի նրբությունների վերաբերյալ հարցերին՝ դեսպանը նշել է, որ ինքն օտարերկրյա քաղաքացի է եւ չի կարող խոսել ներքաղաքական թեմաների վերաբերյալ։ «Այդ հարցը Հայաստանի իշխանություններինն ու քաղաքացիներինն է։ Գործընթաց, որը մենք ընդունում եւ հարգում ենք»,-ասել է նա։
Ինչ վերաբերում է ընտրատեղամասերում տեսախցիկներ տեղադրելուն՝ ապա դեսպանի խոսքով, նպատակը ոչ այնքան տեխնիկական միջոցների բարելավումն է, որքան վստահության ամրապնդումը։ «Անել այնպես, որ հայ ընտրողը հավատա, որ ձեռնարկված են բոլոր միջոցները, որպեսզի ինքն ազատորեն կարողանա հայտնել իր կամքը»։ Ահա թե ինչու է ԵՄ-ն որոշել աջակցել տեխնիկական միջոցներ տեղադրելու գործընթացին եւ համագործակցություն իրականացրել 7 մլն եվրոյի տեսքով։ «Մենք բոլորս ցանկանում ենք, որ ընտրություններն անցնեն ամենալավ կերպով»,-ընդգծել է դեսպանը։
«7 մլն եվրոն ծանրակշիռ գումար է։ Դա արտացոլում է ԵՄ ձգտումը, որ ընտրություններն ավելի լավ անցնեն եւ պսակվեն հաջողությամբ։ Ինչ վերաբերում է Ֆրանսիային՝ այն անհրաժեշտ չի համարել ԵՄ տրամադրած գումարին իր կողմից որեւէ բան հավելել։ Պետք է հաշվի առնել, որ այդ գումարի 18 տոկոսն ապահովում են Ֆրանսիայի հարկատուները»,-ասել է դեսպանը:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Նեմցովի սպանության համար դատապարտվածները բանտից հայտնվել են Չեչնիայում․ «Проект»
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ