Ադրբեջանական փողերով սնված թիմը խայտառակ եղավ Ադրբեջանի չեմպիոնի հետ խաղերում

Տեղի ունեցան ֆուտբոլի Չեմպիոնների լիգայի խմբային մրցաշարի չորրորդ տուրի առաջին ութ հանդիպումները:

A խումբ

Բազել 1 - 2 ԲԿՄԱ Մոսկվա 

Մանչեսթեր Յունայթեդ 2 - 0 Բենֆիկա

Հենրիխ Մխիթարյանի թիմն արդեն իսկ ապահովել է հաջորդ փուլում խաղալու իրավունքը՝ բոլոր չորս խաղերում հաղթանակներ տանելով:

Հաջորդ երկու տուրերում երկրորդ տեղի համար կպայքարեն Բազելը եւ ԲԿՄԱ-ն, որոնք վաստակել են վեցական միավոր:

B խումբ

Սելթիկ 1 - 2 Բավարիա 
ՊՍԺ 5 - 0 Անդերլեխտ

1 ՊՍԺ              4  12
2 Բավարիա    4   9
3 Սելթիկ          4   3
4 Անդերլեխտ 4   0

Ինչպես ասում են, այստեղ արդեն ամեն ինչ պարզ է: Եվրոպայի լիգայի ուղեգրի համար կփայքարեն Սելթիկն ու Անդերլեխտը, իսկ ՊՍԺ-ն եւ Բավարիան կարող են պատրաստվել հաջորդ փուլին եւ կենտրոնանալ ազգային առաջնությունների վրա:

C խումբ

Ատլետիկո Մադրիդ 1 - 1 Ղարաբաղ 
Ռոմա 3 - 0 Չելսի

Մադրիդի Ատլետիկոն, որը երկար տարիներ սնվում էր ադրբեջանական փողերով, հերթական անգամ խայտառակ եղավ, կրկին ոչ-ոքի խաղալով Ադրբեջանի չեմպիոնի հետ: Այժմ այս թիմի հաջորդ փուլ դուրս գալը ֆանտաստիկայի ոլորտից է, իսկ Ռոման եւ Չելսին կվիճարկեն առաջին տեղի հարցը: Այժմ Ռոման ունի ութ, Չելսին՝ յոթ, իսկ Ատլետիկոն՝ երեք միավոր:

D խումբ

Օլիմպիակոս 0 - 0 Բարսելոնա 
Սպորտինգ 1 - 1 Յուվենտուս

Խմբային մրցաշարի ավարտից երկու տուր առաջ Բարսելոնան ապահովել է հաջորդ փուլի ուղեգիրը, իսկ Յուվենտուսը, որը երեք միավոր ավելի ունի Սպորտինգից, դեռ պետք է մի փոքր չարչարվի եւ լիակատար հանգստության համար Բարսելոնայի եւ Օլիմպիակոսի հետ առաջիկա խաղերում պետք է վաստակի գոնե չորս միավոր:

Top-News.am