Վինիսիուսը Բելինգհեմին համեմատել է Ռոնալդուի հետ

Մադրիդի «Ռեալի» վինգեր Վինիսիուս Ժունիորը բարձր է գնահատել Ջուդ Բելինգհեմի ներդրումը թիմի հաջողություններում, գրում է armsport.am-ը։

Անգլիացի կիսապաշտպանը դարձավ շաբաթ օրը կայացած Էլ Կլասիկոյի հերոսը. նրա երկու գոլերը «Ռեալին» կամային հաղթանակ բերեցին «Բարսելոնայի» նկատմամբ (2-1): 20-ամյա խաղացողը «Ռեալի» կազմում անցկացրած 13 խաղում արդեն խփել է 13 գոլ և կատարել երեք գոլային փոխանցում։

«Բելինգհեմը անհավանական է, նա միշտ առանցքային դեր է խաղում: Նախկինում «Ռեալի» երկրպագուները սովոր էին Կրիշտիանու Ռոնալդուին, իսկ հիմա մենք ունենք Բելինգհեմ», - ասել է Վինիսիուսը։