Մյուլերը նոր ռեկորդ է գրանցել

«Բավարիայի» հարձակվող Թոմաս Մյուլերը դարձել է առաջին ֆուտբոլիստը, ով գոլ է խփում մյունխենցիների կազմում Բունդեսլիգայի 15 մրցաշրջանում։ Այս մասին գրում է armsport.am-ը:

34-ամյա գերմանացին Գերմանիայի առաջնության 9-րդ տուրի խաղում գրավել է «Դարմշտադի» դարպասը (8-0):

Մյուլերը շրջանցել է Գերդ Մյուլերին, Կլաուս Աուգենտալերին և Մեհմեդ Շոլին, ովքեր Բունդեսլիգայի 14 մրցաշրջաններում գոլի հեղինակ են դարձել «Բավարիայի» կազմում։

Սա Մյուլերի առաջին գոլն է այս մրցաշրջանում, նա նաև 5 գոլային փոխանցում է կատարել 10 խաղում։