Կրասնոդարը կամային հաղթանակի հասավ Ռոստովի նկատմամբ, Սպերցյանը՝ գոլի հեղինակ

ՌՊԼ 11-րդ տուրում «Կրասնոդարը» սեփական հարկի տակ 3։2 հաշվով հաղթեց «Ռոստովին»։

Առաջին խաղակեսից հետո տանտերերը պարտվում էին 0։2 հաշվով։ Երկրորդ խաղակեսի սկզբնամասում տանտերերի կազմում գոլի հեղինակ է դարձել Հայաստանի հավաքականի կիսապաշտպան Էդուարդ Սպերցյանը՝ հաշիվը դարձնելով 1։2։

«Կրասնոդարը» հաղթական գոլը խփել է վերջին րոպեին։ Գոլի հեղինակ է դարձել Կորդոբոն։

Սպերցյանն ամբողջական հանդիպման է մասնակցել, իսկ Հայաստանի հավաքականի պաշտպան Գեորգի Հարությունյանը մնացել է պահեստայինների նստարանին։ «Ռոստոսվի» կազմում խաղին հայտավորված չի եղել Հայաստանի հավաքականի կիսապաշտպան Խորեն Բայրամյանը։

Այս խաղից հետո «Կրասնոդարը» 27 միավորով գլխավորում է մրցաշարային աղյուսակը։