Կնյազ Իբոյանը կամային հաղթանակ տարավ թուրք մրցակցի նկատմամբ. (տեսանյութ)

Իսպանիայում ընթացող ազատ ոճի ըմբշամարտի Եվրոպայի երիտասարդական առաջնությունում Կնյազ Իբոյանը ոսկե մեդալ նվաճեց։

92 կգ քաշային կարգի եզրափակիչում Իբոյանը մրցեց թուրք Մուհամեդ Գիմրիի հետ ու 3:2 հաշվով կամային հաղթանակ տարավ:

Իբոյանը Հայաստանի երիտասարդական հավաքականի վերջին ներկայացուցիչն էր: Հայաստանի թիմը ազատ ոճի Եվրոպայի երիտասարդական հավաքականում պայքարն ավարտեց 1 ոսկե, 3 արծաթե և 2 բրոնզե մեդալներով:

Արծաթե մեդալակիրներ են դարձել Լևիկ Միքայելյանը (61 կգ), Հայկ Պապիկյանը (74 կգ), Մուշեղ Մկրտչյանը (86կգ), բրոնզե մեդալակիրներ` Նարեկ Գրիգորյան (79 կգ) և Անդրանիկ Ավետիսյան (65 կգ):