Բորելն ապացուցեց, որ Փաշինյանի թեզերը կեղծ են և հենց նրանք են Արցախը ճանաչել Ադրբեջանի կազմում. ադրբեջանագետ
Ժոզեֆ Բորելն ապացուցեց, որ Նիկոլ Փաշինյանի թեզերը կեղծ են եւ հենց ներկայիս իշխանություններն են Արցախը ճանաչել Ադրբեջանի կազմում: Այս մասին Alpha News-ի հետ զրույցում ասաց ադրբեջանագետ Տաթեւիկ Հայրապետյանն՝ անդրադառնալով ԵՄ արտաքին հարաբերությունների եւ անվտանգության հարցերով բարձր ներկայացուցիչ Ժոզեֆ Բորելի հայտարարությանը, թե «առաջին անգամն է, որ Հայաստանի ղեկավարը՝ Նիկոլ Փաշինյանը, Արցախը ճանաչել է որպես Ադրբեջանի մաս»:
«Ժոզեֆ Բորելն առաջին օտարերկրյա պաշտոնյան է, որը նախկիններին չի մեղադրում Արցախը Ադրբեջանի կազմում ճանաչելու հարցում: Վերջերս հետեւում էի Բելառուսի նախագահի ելույթին, որում թիրախավորվում էին Հայաստանի նախկին իշխանությունները եւ նշվում էր, որ Նիկոլ Փաշինյանն ընդամենը ժառանգություն է ստացել, բայց Բորելն առաջինն էր, որ արձանագրեց՝ ներկայիս իշխանությունն է Արցախը ճանաչել է որպես Ադրբեջանի մաս:
Իհարկե, Ժոզեֆ Բորելը ողջունում է դա, որովհետեւ դա հեշտացնում է բոլորի գործը, փոխարենը վտանգում Արցախում ապրող մեր հայրենակիցների կյանքը ու հայոց պետականությունը»,- ասաց Տաթեւիկ Հայրապետյանը եւ հավելեց, որ նախկինում երբեւէ որեւէ փաստաթղթով Արցախը չի ճանաչվել Ադրբեջանի կազմում:
«Նույն Մադրիդյան սկզբունքները, որին սիրում է հղում անել Նիկոլ Փաշինյանը, հստակ ամրագրում էր Արցախի ժողովրդի ինքնորշման իրավունքը, անգամ նշված էր հարաբերակցությունը, որով պետք է տեղի ունենար հանրաքվեն: Եվ եթե Ադրբեջանը համաձայներ դրան, ապա Արցախը ստանալու էր անկախություն:
Սա փաստ է, եւ բոլոր միջազգային գործընկերները հասկանում են, թե այնտեղ ինչ է գրված, իսկ մնացածը Նիկոլ Փաշինյանի քարոզչությունն է, որը գործում է միայն Հայաստանի ներսում, դրա սահմաններից դուրս այն ոչ մի արժեք չունի»,- նշեց ադրբեջանագետը:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է