Մտահոգություն ունենք, որ Ստամբուլյան կոնվենցիան ընդունելու դեպքում ընտանիքի ինստիտուտը կոտնահարվի. Արա Զոհրաբյան
ԵՄ դեսպանը Հայաստանի իշխանություններին հանձնարարեց զբաղվել Ստամբուլյան կոնվենցիայի վավերացմամբ, որը մեզ համար զգոն լինելու հաղորդագրություն էր, որ շարունակենք կոնվենցիայի վավերացման դեմ մեր պայքարը: Այս մասին Alpha News-ի հետ զրույցում ասաց «Ո՛չ Ստամբուլյան կոնվենցիայի վավերացմանը» նախաձեռնության համակարգող, փաստաբան Արա Զոհրաբյանը՝ անդրադառնալով Հայաստանում ԵՄ դեսպան Անդրեա Վիկտորինի հայտարարությանը, թե ուզում է, որ Հայաստանը վավերացնի Ստամբուլյան կոնվենցիան:
«Ստամբուլյան կոնվենցիան ընտանիքի կարգավիճակին է հավասարեցրել զուգընկերներին, որոնց մեջ կարող են լինել ոչ միայն տղամարդ-կին զույգը, այլեւ տղամարդ-տղամարդ, կին եւ կին զույգը: Կոնվենցիայի տեքստում առաջին հայացքից նման բան չի զգացվում, բայց բացատրական զեկույցից պարզ է դառնում, որ լեսբիներին, գեյերին պաշտպանություն են տալիս: Իսկ մենք ասում ենք, որ եթե ուզում եք այդ մարդկանց պաշտպանել, ապա համարձակություն ունեցեք այդպիսի օրենք ընդունել, ոչ թե ընտանիքի անվան տակ նույնասեռականներին, որոնց ես անբնական եմ համարում, հավասարեցրեք ընտանիքին: Ես դա լուրջ պրոբլեմ եմ համարում»,- ասաց Արա Զոհրաբյանը:
Նրա խոսքով՝ Ստամբուլյան կոնվենցիայի ընդունման պարագայում, կենսաբանական սեռից բացի նաեւ սոցիալական սեռ հասկացությունն է առաջ գալու, որը մտահոգիչ է:
«Խոսքը գենդերային ինքնության մասին է: Դա նշանակում է, որ քաղաքացին կարող է իր կենսաբանական սեռը չընդունել եւ կոնվենցիան պարտադրում է դիմացի մարդուն հաշվի նստել այդ մարդու քմահաճույքի հետ: Մենք ասում ենք, որ չի կարող մարդու ցանկությունը իրավունքի հետ հավասար դասվել»,- նշեց Զոհրաբյանը:
Արա Զոհրաբյանի կարծիքով՝ Ստամբուլյան կոնվենցիան հակասում է Սահմանդրության 35-րդ հոդվածին, որում սահմանվում է, որ չափահաս տարիքի կինն ու տղամարդը կարող են ընտանիք կազմել:
«Մեզ մոտ տղամարդու եւ կնոջ միությունն է համարվում ընտանիք, իսկ եթե այս կոնվենցիան վավերացվի, ապա կստացվի, որ երկու տղամարդ նույնպես կարող են ընտանիք կազմել: Մենք մտահոգություն ունենք, որ Ստամբուլյան կոնվենցիան ընդունելու դեպքում ընտանիքի ինստիտուտը կոտնահարվի»,- ընդգծեց Արա Զոհրաբյանը:
Նա մտահոգություն ունի, որ Սահմանադրական դատարանը կարող է սահմանադրական ճանաչել այդ կոնվենցիան, որի դեպքում խորհրդարանը կարող է վավերացնել այն:
Մանրամասները՝ տեսանյութում:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է