«Արսենալը» 115 միլիոն եվրո կվճարի Դեքլան Ռայսի համար

Լոնդոնի «Արսենալը» համաձայնության է հասել «Վեստ Հեմի» հետ Անգլիայի հավաքականի 24-ամյա կիսապաշտպան Դեքլան Ռայսի տրանսֆերի գնի հարցում, հաղորդում է The Guardian-ը։

«Արսենալը» Դեքլան Ռայսի համար կվճարի 115 միլիոն եվրո ներառած բոնուսները։

Նրա ծառայություններով հետաքրքրված են նաեւ Մյունխենի «Բավարիան» ու անգլիական «Մանչեսթեր Յունայթեդը»։ Դեքլան Ռայսը ցանկանում է մնալ Պրեմիեր լիգայում։

Ավարտված մրցաշրջանում Դեքլան Ռայսը «Վեստ Հեմի» հետ բոլոր մրցաշարերում մասնակցել է 50 հանդիպման, խփել է 5 գոլ, կատարել 3 գոլային փոխանցում։ Նրա պայմանագիրը «Վեստ Հեմի» հետ նախատեսված է մինչեւ հաջորդ մրցաշրջանի ավարտը։

Transfermarkt-ը Դեքլան Ռայսի տրանսֆերային արժեքը գնահատում է 80 միլիոն եվրո։