«Ռեալի» նախագահ․ Այո, ձեռք կբերենք Մբապեին

Մադրիդի «Ռեալի» նախագահ Ֆլորենտինո Պերեսը երկրպագուների հետ զրույցում հայտնել է, որ Արքայական ակումբը պայմանագիր կկնքի Ֆրանսիայի չեմպիոն ՊՍԺ-ի 24-ամյա հարձակվող Կիլիան Մբապեի հետ, սակայն ոչ այս ամռանը, հաղորդում է Goal.com-ը։

«Այո, ձեռք կբերենք Մբապեին, սակայն ոչ այս տարի»,- ասել է Պերեսը։

Մբապեն մոտ էր «Ռեալ» տեղափոխվելուն անցած տարի, սակայն վերջին պային երկարաձգեց պայմանագիրը փարիզյան ակումբի հետ։ Հաջորդ տարվա ամռանը Մբապեն կստանա ազատ գործակալի կարգավիճակ եւ կկարողանա անվճար միանալ «Ռեալին»։

Ավարտված մրցաշրջանում Մբապեն ՊՍԺ-ի հետ բոլոր մրցաշարերում մասնակցել է 43 հանդիպման, խփել է 41 գոլ, կատարել 10 գոլային փոխանցում։

Transfermarkt-ը Մբապեի տրանսֆերային արժեքը գնահատում է 180 միլիոն եվրո։