«Մանչեսթեր Սիթին» ՉԼ-ի գավաթը նվաճած 10-րդ թիմն է, որը ոչ մի պարտություն չկրեց

Անգլիայի չեմպիոն եւ գավաթակիր «Մանչեսթեր Սիթին» Չեմպիոնների լիգայի գավաթը նվաճած 10-րդ թիմն է, որ գլխավոր եվրագավաթային մրցաշարի ամբողջ մրցաշրջանի ընթացքում ոչ մի պարտություն չկրեց։

Խմբային փուլում կատալոնացի Խոսեպ Գվարդիոլայի գլխավորած թիմը խաղացել է Դորտմունդի «Բորուսիայի» (2:1, 0:0), իսպանական «Սեւիլիայի» (4:0, 3:1), դանիական «Կոպենհագենի» (5:0, 0:0), փլեյ-օֆֆում՝ գերմանական «ՌԲ Լայպցիգի» (1:1, 7:0), Մյունխենի «Բավարիայի» (3:0, 1:1) եւ Մադրիդի «Ռեալի» (1:1, 4:0) հետ։

Եզրափակիչում «Մանչեսթեր Սիթին» 1:0 հաշվով հաղթեց Միլանի «Ինտերին»։

Նախկինում Չեմպիոնների լիգայի մրցաշրջանն առանց պարտության են անցել երկուական անգամ «Միլանը», «Այաքսը», «Լիվերպուլն» ու «Մանչեսթեր Յունայթեդը», մեկական անգամ՝ «Բավարիան», «Բարսելոնան», «Ինտերը», «Մարսելն» ու «Ցրվենա Զվեզդան»։