Ստամբուլյան կոնվենցիան տեղին չէ, դրա շուրջ քննարկումներն էլ ժամանակավրեպ են. Տիգրան քահանա Բադիրյան
«Ամենամեծ վտանգը առհասարակ, որ քրիստոնյա մարդու համար յուրաքանչյուր պետությունում կարող է լինել՝ ընդհանրացումներն են»,- ասում է Մայր Աթոռի դիվանատան եկեղեցական-ժողովական գրասենյակի պատասխանատու տեր Տիգրան քահանա Բադիրյանը:
Քահանային Alpha News-ը խնդրել է անդրադառնալ Անդրեա Վիկտորինի այն հայտարարությանը, թե կցանկանար, որ Հայաստանը վավերացնի Ստամբուլյան կոնվենցիան:
Անդրադառնալով կոնվենցիայի՝ որպես կանանց իրավունքների հավելյալ պաշտպանության գործիք նշանակությանը, քահանա Բադիրյանն ընդգծում է՝ երբ առանձին կանանց կամ առանձին ընտանիքներում կանանց հանդեպ տեղի ունեցած ոտնձգության դեպքերը փորձ է արվում ներկայանցել որպես հասարակական իրողություն, ապա տպավորություն է ստեղծվում դրանով, թե այդ դեպքերն իրականում շատ են:
«Ամենամեծ խնդիրը ոչ թե կանանց իրավունքների պաշտպանությունն է, այլ ընդհանրապես մարդկանց քրիստոնեական արժեհամակարգի վերակենդանացումը»,- վստահեցնում է Տեր Տիգրան քահանա Բադիրյանը:
Քահանան ընդգծում է՝ բռնությունների թիվը շատանում է ոչ թե օրենքի պակասից, այլ բարոյական պատկերացումների խեղման պատճառով:
«Բռնության դեպքերը նվազեցնելու համար ոչ թե օրենքներ են պետք, այլ պետք է բարոյականության զգացումի ավելացում, արժեհամակարգի ամրապնդում և քարոզ»,- մեկնաբանում է տեր Տիգրանը և հավելում, որ այսպիսի առաքելությունն ունի հենց Հայ առաքելական եկեղեցին:
«Կոնվենցիաների և նման օրենսդրական նախաձեռնությունների անհրաժեշտությունը կամ դրա պատրանքը ստեղծվում է միայն այն ժամանակ, երբ հասարակության մեջ բարոյականությունը և սեփական անձի մասին պատկերացումը սկսում է ընկալվել որպես պարտադիր իրավական գործիքների կիրառման դաշտ»,- ասում է քահանան:
Նա եզրափակում է՝ կոնվենցիան տեղին չէ, իսկ դրա շուրջ քննարկումները ժամանակավրեպ են, որովհետև մեր երկիրը կանգնած է շատ ավելի լուրջ և գոյաբանական մարտահրավերների առջև:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է