«Յուվենտուսը» չի երկարաձգի պայմանագիրը Դի Մարիայի հետ

Թուրինի «Յուվենտուսը» չի երկարաձգի պայմանագիրը աշխարհի չեմպիոն Արգենտինայի հավաքականի 35-ամյա կիսապաշտպան Անխել Դի Մարիայի հետ, հաղորդում է GOAL Italia-ն։

Հունիսին Դի Մարիան ազատ գործակալի կարգավիճակում կհեռանա իտալական ակումբից։

«Յուվենտուսում» դժգոհ են Դի Մարիայի խաղից իսպանական «Սեւիլիայի» դեմ Եվրոպայի լիգայի կիսաեզրափակիչում։ Թուրինյան թիմը պարտվել էր երկու հանդիպումների արդյունքում՝ 1:1, 1:2:

Ընթացիկ մրցաշրջանում Դի Մարիան «Յուվենտուսի» հետ մասնակցել է 38 հանդիպման, խփել 8 գոլ, կատարել 7 գոլային փոխանցում։