Դեկուն կվերադառնա «Բարսելոնա»

«Բարսելոնայի» նախկին կիսապաշտպան Դեկուն կվերադառնա կատալոնական ակումբ։ Նա կզբաղեցնի տնօրենի պաշտոնը, որը հունիսին կլքի Ժորդի Կրոյֆը, հաղորդում է AS-ը։ 2021 թվականից Դեկուն «Բարսելոնայում» կատարում է սկաուտի պարտականություններ։

45-ամյա Դեկուն «Բարսելոնայում» հանդես է եկել 2004-2008 թվականներին՝ դառնալով Իսպանիայի կրկնակի չեմպիոն (2005, 2006), կրկնակի սուպերգավաթակիր (2005, 2006) եւ Չեմպիոնների լիգայի գավաթակիր (2006):

«Բարսելոնան» Չավիի գլխավորությամբ նվաճել է Իսպանիայի չեմպիոնի կոչումը՝ 35 տուրում վաստակելով 85 միավոր։ Երկրորդ տեղում գտնվող «Ռեալը» 34 խաղից հետո ունի 71 միավոր։