Ավելի լավ է, որ նախագահը լայն ասպարեզ չունենա նման վարկաբեկիչ հայտարարությունների համար․ Կոբախիձե

Ի՞նչ կապ կա Ռուսաստանի կողմից թռիչքների միակողմանի վերականգնման եւ նախագահի՝ այլ երկիր այցի միջեւ։ Դա բացարձակ անհասկանալի համեմատություն է, դա սպեկուլյացիա է։ Այս մասին հայտարարել է «Վրացական երազանք» կուսակցության նախագահ Իրակլի Կոբախիձեն, փոխանցում է վրացական Առաջին ալիքը։

Կոբախիձեի խոսքով՝ նախագահի այցին հավանություն տալը Վրաստանի կառավարության բացառիկ իրավունքն է:

«Եթե Կառավարությունը կարծում է, որ նախագահի այցը չի նպաստի Վրաստանի կողմից թեկնածուի կարգավիճակ ստանալուն, այդ դեպքում կառավարությունը սահմանադրությամբ տրված լիակատար իրավունք ունի համաձայնություն չտալ նախագահի այցին: Մենք մտավախություն ունենք, որ նախագահի այցը եւ նրա հայտարարությունները կվնասեն թեկնածուի կարգավիճակ ստանալու մեր ջանքերին: Իհարկե, ավելի լավ է, որ նախագահը լայն ասպարեզ չունենա նման վարկաբեկիչ հայտարարությունների համար, որպեսզի չվնասի թեկնածուի կարգավիճակ ստանալու գործընթացին»,-ասել է նա։