Պոլսահայ գործիչն ընտրություններից հետո Հայաստանի նկատմամբ Թուրքիայի պետական քաղաքականության փոփոխություն չի ակնկալում
Թուրքիայի նախագահական ընտրություններում թեկնածուներից ցանկացածի հաղթանակի պարագայում Հայաստանի նկատմամբ թուրքական պետության քաղաքականությունը լուրջ փոփոխություններ չի կրելու։ Այս կարծիքին է Ստամբուլի հայկական համայնքի անդամ Տիգրան Ալթունը։
«Սա պետական քաղաքականություն է, չեմ կարծում, որ այս կամ այն նախագահը կկարողանա փոխել պետական քաղաքականությունը։
Ես կարծում եմ՝ Ադրբեջանը շատ մեծ ազդեցություն ունի Թուրքիայի վրա։ Այդ երկիրն այստեղ այնքան շատ ներդրումներ ունի, որ Թուրքիան չի կարող անտեսել նրան ու ստիպված է հետևել ադրբեջանական քաղաքականությանը»,- «Արմենպրես»-ի հետ զրույցում ասել է Ալթունը։
Խոսելով հայ-թուրքական հարաբերությունների կարգավորման մասին՝ պոլսահայը նկատել է, որ երկու երկրներն էլ պետք է սովորեն ապրել կողք կողքի։
«Իհարկե, դա չի նշանակում, որ պետք է սկզբունքներիցդ հրաժարվես, բայց առօրյա կյանքը շարունակելու համար պետք է սահմանները բացվեն»,- նշել է նա։
Անդրադառնալով Երևանում «Նեմեսիս» շարժմանը նվիրված արձանի տեղադրման առնչությամբ պաշտոնական Անկարայի բարձրացրած աղմուկին՝ Ալթունը նկատել է, որ այդ հայտարարությունները պետք է կապել նաև մայիսի 14-ի նախագահական ու խորհրդարանական ընտրությունների և այդտեղ ազգայնական շրջանակների ձայները ստանալու միտման հետ։
«Եթե պետք է բողոքեն այդ արձանի տեղադրման համար, ապա մենք էլ պետք է բողոքենք, որ հայկական թաղամասերում կան Թալեաթ փաշայի փողոց, դպրոց։ Ընդ որում, այդ ամենը արվում է հենց այն վայրերում, որտեղ ապրում են հայերը»,- նշել է նա։
Հայ-թուրքական հարաբերությունների կարգավորման հարցը 2000-ականների սկզբին շատ էր բարձրաձայնվում հենց թուրք մտավորականների՝ լրագրողների, գրողների, իրավապաշտպանների կողմից, սակայն վերջին տարիներին նման միտում այլևս չի նկատվում։
«Նախկինում այդ հարցի մասին խոսողների մեծ մասն այսօր այլևս Թուրքիայում չէ, լքել են երկիրն ու ապրում են եվրոպական երկրներում։ Թուրքիայի ներսում այս հարցի մասին խոսող շատ մարդ չի մնացել։
Տարբեր պատճառներից ելնելով՝ նրանք վախեցան ու հեռացան այստեղից։ Բացի այդ, պետք է ընդունել, որ Թուրքիայում բոլոր լրատվամիջոցները, հեռուստաընկերությունները տարբեր ձևերով Էրդողանի, պետության ճնշման տակ են։ Ինչ նրանք ասեն, այն պետք է գրվի»,- նշել է Ալթունը։
Նրա գնահատմամբ՝ Էրդողանի վերջնական ընտրության պարագայում առաջիկա տարիներին Թուրքիան կունենա խիստ ավտորիտար, բռնապետ նախագահ։
«Եթե նրա այսքան սխալներից հետո ժողովուրդը այդքան քվե է տվել նրան, ապա նա այսուհետ ավելի վստահ կլինի իր գործողություններում։
Հավանաբար, այս երկիրն այլևս կդառնա մեկ անձի ու մեկ կուսակցության՝ «Արդարություն և զարգացում» կուսակցության երկիր»,- ասել է Ստամբուլի հայ համայնքի անդամ Տիգրան Ալթունը։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է