«Մանչեսթեր Յունայթեդը» Մարտինեսի համար «Ինտերին» կառաջարկի Մարտիալի տրանսֆերն ու 50 միլիոն եվրո

Անգլիական «Մանչեսթեր Յունայթեդը» ամառային տրանսֆերային պատուհանի ժամանակ կփորձի ձեռք բերել Միլանի «Ինտերի» եւ աշխարհի չեմպիոն Արգենտինայի հավաքականի հարձակվող Լաուտարո Մարտինեսին, հաղորդում է Calciomercatoweb-ը։

«Մանչեսթեր Յունայթեդն» իտալական ակումբին կառաջարկի ֆրանսիացի հարձակվող Անտոնի Մարտիալի տրանսֆերն ու 50 միլիոն եվրո։

Ընթացիկ մրցաշրջանում 25-ամյա Մարտինեսը «Ինտերի» հետ մասնակցել է 48 հանդիպման, խփել է 23 գոլ, կատարել 9 գոլային փոխանցում։ Նրա պայմանագիրն «Ինտերի» հետ նախատեսված է մինչեւ 2026թ․ հունիս։ Transfermarkt-ը Մարտինեսի տրանսֆերային արժեքը գնահատում է 80 միլիոն եվրո։