Կլոպը՝ «Չելսիի» մասին․ Հնարավոր չէ հենց այնպես հավաքել լավագույններին եւ սպասել, որ դա կտա արդյունք

Անգլիայի փոխչեմպիոն «Լիվերպուլի» գերմանացի գլխավոր մարզիչ Յուրգեն Կլոպը խոսել է Լոնդոնի «Չելսիի» տրանսֆերային քաղաքականության եւ արդյունքների մասին։

«Ես մի փոքր կարեկցում եմ «Չելսիին»։ Հնարավոր չէ հենց այնպես միասին հավաքել լավագույն խաղացողներին եւ սպասել, որ դա կտա արդյունք։ Դուք չեք կարող ունենալ երկու հանդերձարան։ Պետք է հարաբերություններ ստեղծել»,- Կլոպի խոսքը մեջբերում է Sky-ը։

Ձմեռային տրանսֆերային պատուհանի ժամանակ «Չելսին» ծախսել էր 365 միլիոն եվրո։

Անգլիայի առաջնության 32 տուրից հետո «Չելսին» 39 միավորով 12-րդ տեղում է։