Թոմաս Մյուլեր․ Հավատում ենք, որ դեռ ունենք հաջորդ փուլ դուրս գալու հնարավորություն

Գերմանիայի չեմպիոն Մյունխենի «Բավարիայի» գերմանացի կիսապաշտպան Թոմաս Մյուլերը խոսել է Անգլիայի չեմպիոն «Մանչեսթեր Սիթիի» հետ դիմակայությունում հնարավորությունների մասին։

Չեմպիոնների լիգայի քառորդ եզրափակիչի առաջին խաղում «Բավարիան» Մանչեսթերում պարտվել էր 0:3 հաշվով։

«Մենք հավատում ենք, որ դեռ ունենք հաջորդ փուլ դուրս գալու հնարավորություն։ Պետք է լավ սկսել, մինչեւ ընդմիջում մեկ գոլ խփել եւ բաց չթողնել։ Պետք չէ 10-րդ րոպեին արդեն առջեւում լինել 3:0 հաշվով, բայց մենք պետք է գոլ խփենք եւ շարունակենք նույն ոգով։ Եթե երկրորդ գոլը խփենք 80-րդ րոպեին, կունենանք եւս 15 րոպե պայքարը լրացուցիչ ժամանակ տեղափոխելու համար։ Ես հավատում եմ, որ այդ ամենը հնարավոր է»,- Մյուլերի խոսքը մեջբերում է Bayern & Germany-ն։

«Բավարիա» - «Մանչեսթեր Սիթի» պատասխան հանդիպումը Մյունխենում տեղի կունենա ապրիլի 19-ին եւ կմեկնարկի Երեւանի ժամանակով 23:00-ին։