Արթուր Դավթյան․ Օլիմպիական խաղերի համար ցատկերիցս մեկը պետք է բարդացնեմ
Օլիմպիական խաղերի համար ցատկերիցս մեկը պետք է բարդացնեմ, որպեսզի հնարավորություն ունենամ շրջանցել մրցակիցներիս: Միշտ չի, որ հնարավոր է լինում շատ անթերի ցատկել: Եվրոպայի առաջնությանը գնացել էի ոսկե մեդալ նվաճելու նպատակով:
Այս մասին լրագրողների հետ զրույցում ասաց աշխարհի եւ Եվրոպայի չեմպիոն, Տոկիոյի Օլիմպիական խաղերի բրոնզե մեդալակիր Արթուր Դավթյանը:
Ապրիլի 16-ին Դավթյանը փառահեղ հաղթանակ տարավ Թուրքիայում անցկացված Եվրոպայի առաջնությունում:
Աշխարհի եւ Եվրոպայի չեմպիոնը փայլուն ցատկերով Անթալիայում հռչակվեց Եվրոպայի չեմպիոն:
«Այս Եվրոպայի առաջնությունը դժվար էր ինձ համար, որովհետեւ բազմամարտով էի մասնակցում:
Հենացատկում պատրաստվել էի ոսկե մեդալի համար: Ուրախ եմ, որ ստացվեց: Սա միայն իմ աշխատանքը չի, մեր մարզիչների հետ միասին ենք գրանցում բարձր արդյունքներ:
Ինձ համար էլ էր անակնկալ, որ նժույգ թափերում եզրափակիչ դուրս եկա, ապա մեդալ նվաճեցի:
Շնորհակալ եմ բոլորին, ով օգնում է մեզ՝ ֆեդերացիայի նախագահը, կառավարությունը, լրագրողները, մեզ աջակցողները:
Օլիմպիական խաղերի համար ցատկերիցս մեկը կբարդացնեմ: Շատ կարեւոր է, որ վնասվածքներ չունենամ: Եթե ստացվի վարժությունս բարդացնել, շատ լավ կլինի: Անգլիացի մարմնամարզիկի առաջին ցատկի բարդությունը 4 տասնորդական ավել էր իմ բարդությունից: Եթե չավելացնենք, ուրմեն միշտ պետք է շատ անթերի ցատկեմ, որպեսզի հաղթեմ: Օլիմպիական խաղերում միայն անգլիացին չի լինելու ինձ մրցակից, շատ ուժեղ մարմնամարզիկներ կան, որոնց ինձ մրցակից են: Առջեւում մեծ աշխատանք կա անելու»,- ասաց Արթուր Դավթյանը:
Աշխարհի եւ Եվրոպայի չեմպիոնը Անթալիայում նաեւ բրոնզե մեդալակիր դարձավ նժույգ թափեր վարժությունում:
Մենք միանգամայն արժանիորեն դուրս եկանք հաջորդ փուլ
Ակադեմիական քաղաքի տարածքում հայտնաբերվել է հնագույն բնակավայր
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Կարլոս Էսպին պայմանագիր է կնքել «Ռեալ Մադրիդի» հետ
Գանսուի թռչող ձին. չինական նահանգի հնագույն ժառանգություն
Աբու Դաբին կունենա համաշխարհային արվեստի նոր կենտրոն
Ուրումչիի մշակութային ուղին. Գրանդ բազար