Լուկակու․ Երջանիկ եմ, որ օգնեցի ակումբակիցներիս

Իտալիայի փոխչեմպիոն Միլանի «Ինտերի» բելգիացի հարձակվող Ռոմելու Լուկակուն մեկնաբանել է 2:0 հաշվով հաղթանակը պորտուգալական «Բենֆիկայի» նկատմամբ Չեմպիոնների լիգայի քառորդ եզրափակիչի առաջին խաղում։ Լուկակուն խփել էր «Ինտերի» երկրորդ գոլը՝ արդյունավետ իրացնելով 11-մետրանոցը։

«Ես երջանիկ եմ, որ օգնեցի ակումբակիցներիս։ Մենք խելացի խաղ անցկացրինք, եւ մենք էլի գոլ խփելու հնարավորություն ունեինք։ Բայց 2:0 հաշիվն այսպիսի լավ թիմի դեմ անկասկած լավ արդյունք է։

11-մետրանոցը ընդամենը կենտրոնացման հարց է։ Ես երբեք ոչ մեկի չեմ լսում 11-մետրանոց իրացնելիս, նույնիսկ, թիմակիցներիս չեմ լսում»,- Լուկակուի խոսքը մեջբերում է ՈւԵՖԱ-ի մամուլի ծառայությունը։

«Ինտեր» - «Բենֆիկա» պատասխան հանդիպումը Միլանում տեղի կունենա ապրիլի 19-ին։