«Չելսին» ու «Մանչեսթեր Յունայթեդը» կպայքարեն Ռամուշի տրանսֆերի համար

Լոնդոնի «Չելսին» կպայքարի «Մանչեսթեր Յունայթեդի» հետ Լիսաբոնի «Բենֆիկայի» եւ Պորտուգալիայի հավաքականի հարձակվող Գոնսալու Ռամուշի համար։ Երկու անգլիական ակումբներն էլ ցանկանում են ամռանը ձեռք բերել 21-ամյա ֆուտբոլիստին, որի հրաժարագինը 100 միլիոն եվրո է։

Գոնսալու Ռամուշի պայմանագիրը «Բենֆիկայի» հետ նախատեսված է մինչեւ 2026թ․ հունիս։

Ընթացիկ մրցաշրջանում Ռամուշը «Բենֆիկայի» հետ բոլոր մրցաշարերում մասնակցել է 37 հանդիպման, խփել 25 գոլ, կատարել 10 գոլային փոխանցում։

Transfermarkt-ը Ռամուշի տրանսֆերային արժեքը գնահատում է 40 միլիոն եվրո։