Բռնցքամարտի Հայաստանի թիմերը պատրաստվում են ԵԱ-ին եւ ԱԱ-ին

Բռնցքամարտի Հայաստանի երիտասարդական հավաքականը Վազգեն Բադալյանի գլխավորությամբ ուսումնամարզական հավաք է անցկացնում Ծաղկաձորում, որը կտևի մինչև ապրիլի 7-ը:

Հավաքականը պատրաստվում է ապրիլի 23-ին Երևանում մեկնարկելիք Եվրոպայի երիտասարդական առաջնությանը:

Հավաքին մասնակցում է 26 մարզիկ: Ծաղկաձորյան հավաքի ընթացքում մարզչական կազմը հիմնական շեշտը դրել է մարզիկների ֆիզիկական որակները բարելավելու վրա: Հաջորդ հավաքը թիմը կանցկացնի Երևանում, հաղորդում է ՀԲՖ-ի մամուլի ծառայությունը:

Մեծահասակների Հայաստանի հավաքականը գլխավոր մարզիչ Կարեն Աղամալյանի ղեկավարությամբ ուսումնամարզական հավաք է սկսել Ծաղկաձորում՝ պատրաստվելով մայիսի 1-14-ի Ուզբեկստանի մայրաքաղաք Տաշքենդում անցկացվելիք աշխարհի առաջնությանը, հաղորդում է ՀԱՕԿ-ի կայքը:

Ապրիլի 16-ին թիմը կմեկնի Ղազախստան և նախապատրաստությունը կշարունակի Շոտլանդիայի, Մարոկոյի, Հունաստանի և Սերբիայի բռնցքամարտիկների հետ համատեղ հավաքում: