Մ23 ԵԱ. Կնյազ Իբոյանը բավարարվեց արծաթե մեդալով

Կնյազ Իբոյանը արծաթե մեդալ նվաճեց Ռումինիայի մայրաքաղաք Բուխարեստում ավարտվող ազատ ոճի ըմբշամարտի Եվրոպայի Մ23 առաջնությունում:

86 կգ քաշային կարգի եզրափակիչում Հայաստանի ներկայացուցիչը 1:11 հաշվով պարտվեց Ֆրանսիայի ներկայացուցիչ Ռախիմ Մագամադովին:

Իբոյանը պայքարը սկսել էր որակավորման փուլից, որտեղ 4:2 հաշվով հաղթել էր Մոլդովայի ներկայացուցիչ Իվան Իչիզլիին, քառորդ եզրափակիչում 7:5 հաշվով պարտության էր մատնել Ադրբեջանը ներկայացնող Ֆարիդ Ջաբարովին: Կիսաեզրափակիչում գերլարված պայքարում 3:2 հաշվով առավելության էր հասել թուրք Իսմայիլ Կուկուկսոլակին: