«Բավարիան» պատրաստ է վաճառել Գնաբրիին եւ Սանեին

Գերմանիայի չեմպիոն Մյունխենի «Բավարիայում» դժգոհ են գերմանացի հարձակվողներ Սերժ Գնաբրիի եւ Լերոյ Սանեի արդյունավետությունից եւ պատրաստ են ամռանը դիտարկել նրանց տրանսֆերները, հաղորդում է գերմանական Bild-ը։

Անցած ամռանը «Բավարիան» երկարաձգել էր պայմանագիրը Գնաբրիի հետ աշխատավարձի բարձրացմամբ։ Մինչեւ 2022թ․ աշխարհի առաջնությունը Գնաբրին այս մրցաշրջանում «Բավարիայի» հետ բոլոր մրցաշարերում խփել էր 10 գոլ, կատարել 11 գոլային փոխանցում, ԱԱ-2022-ից հետո՝ 1 գոլ 11-մետրանոցից։

Սանեն մինչեւ աշխարհի առաջնություն խփել էր 10 գոլ, կատարել 6 գոլային փոխանցում, ԱԱ-2022-ից հետո՝ 2 գոլ։