Իրան-Հայաստան տրանսպորտային երթուղու մյուս շահառուները եւս կարձագանքեն սպառնալիքին. դեսպան
Իրանի եւ Հայաստանի տարածքով անցնող միջազգային տրանսպորտային երթուղու սպառնալիքն ուղղված կլինի ոչ միայն Իրանի եւ Հայաստանի, այլեւ այդ երթուղու մյուս շահառուների դեմ, որոնք այն սպառնալիք կհամարեն իրենց համար։ Այս մասին «Հայ-իրանական հարաբերություններն ընդհանուր շահերի համատեքստում» թեմայով քննարկման ժամանակ փետրվարի 9-ին ասել է Հայաստանում Իրանի Արտակարգ եւ լիազոր դեսպան Աբաս Բադախշան Զոհուրին։
Նա ընդգծել է նաեւ Իրանի եւ ԵԱՏՄ-ի միջեւ առեւտրի արտոնյալ պայմանների մասին համաձայնագրի իրականացման կարեւորությունը, ինչը կնպաստի առեւտրային հարաբերությունների զարգացմանը։ Դեսպանը հույս է հայտնել, որ Իրանի եւ ԵԱՏՄ-ի միջեւ նոր համաձայնագիրն այդ հարաբերությունների ամրապնդման ճանապարհ կբացի։ «Երկրների միջեւ տնտեսական հարաբերությունների ընդլայնման առումով կարեւոր հիմք է սերտ համագործակցությունը ենթակառուցվածքային հարցերում։ Հայաստանի փոխվարչապետի Իրան կատարած այցի շրջանակում ձեռք է բերվել նոր պայմանավորվածություն էներգետիկայի ոլորտում փոխանակման մասին»,- նշել է նա։
Զոհուրին ավելացրել է, որ հանրային կարծիքը եւ էլիտաները պետք է աջակցություն ցուցաբերեն երկրների միջեւ հարաբերությունների զարգացմանը։ Դիվանագետը գոհունակությամբ նշել է, որ այս ուղղությամբ դրական դինամիկա է նկատվում։
Նա պատրաստակամություն է հայտնել աջակցություն ցուցաբերելու մշակութային, ինչպես նաեւ ԶԼՄ-ների եւ երկու երկրների մտավորականության ներկայացուցիչների հարաբերություններում։
Նշենք, որ խոսքը «Հյուսիս-Հարավ» եւ «Պարսից ծոց-Սեւ ծով» միջազգային տրանսպորտային միջանցքների մասին է, որոնցով շահագրգռված է նաեւ Իրանը։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է