Կլոպ․ Ես քրիստոնյա եմ եւ հավատում եմ, որ Պելեն ֆուտբոլ կխաղա անցյալի ֆանտաստիկ խաղացողների հետ

Անգլիայի փոխչեմպիոն «Լիվերպուլի» գերմանացի գլխավոր մարզիչ Յուրգեն Կլոպն արձագանքել է աշխարհի եռակի չեմպիոն, բրազիլացի Պելեի մահվան մասին լուրին։

«Պելեն լավագույնն էր։ Ես նրան չեմ մոռանա։ Երբ դու աշխարհի ամենահայտնի մարդն ես, բայց մնում ես հասարակ տղա՝ դա այն է, ինչ ամենաշատն եմ սիրում։ Այդ դասը Պելեից եւ Բեկենբաուերից ես սերտել եմ եւ երբեք չեմ մոռանա։

Ես քրիստոնյա եմ եւ հավատում եմ, որ Պելեն ֆուտբոլ կխաղա անցյալի ֆանտաստիկ խաղացողների հետ հրաշալի ստադիոնում՝ վերեւում»,- Կլոպի խոսքը մեջբերում է Mundo Deportivo-ն։

Լեգենդար ֆուտբոլիստը մահացել է դեկտեմբերի 29-ին 82 տարեկանում։

Պելեն պատմության մեջ միակ ֆուտբոլիստն է, որը երեք անգամ դարձել է աշխարհի չեմպիոն (1958, 1962, 1970)։

Բրազիլիայում հայտարարվել է եռօրյա սուգ։