«Լիվերպուլը» կփորձի երկարաձգել պայմանագիրը Ֆիրմինոյի հետ

«Լիվերպուլը» մտադիր է երկարաձգել համագործակցությունը բրազիլացի հարձակվող Ռոբերտո Ֆիրմինոյի հետ, հաղորդում է Tribal Football-ը։

31-ամյա ֆուտբոլիստի պայմանագիրն անգլիական ակումբի հետ նախատեսված է մինչեւ այս մրցաշրջանի ավարտը։ «Լիվերպուլը» չի ցանկանում անվճար կորցնել Ֆիրմինոյին եւ կսկսի բանակցություններ պայմանագրի երկարաձգման նպատակով։ Թիմի գերմանացի գլխավոր մարզիչ Յուրգեն Կլոպն էլ Ֆիրմինոյին համարում է կարեւոր խաղացող։

Ֆիրմինոն 2015-ի հուլիսին գերմանական «Հոֆենհայմից» է տեղափոխվել «Լիվերպուլ»։ Ընթացիկ մրցաշրջանում նա մասնակցել է 21 հանդիպման, խփել է 9 գոլ, կատարել է 4 գոլային փոխանցում։