ՊՍԺ-ն ցանկանում է ձեռք բերել Էնցո Ֆերնանդեսին

Ֆրանսիայի չեմպիոն ՊՍԺ-ն հետաքրքրված է աշխարհի չեմպիոն Արգենտինայի հավաքականի եւ պորտուգալական «Բենֆիկայի» 21-ամյա կիսապաշտպան Էնցո Ֆերնանդեսի ծառայություններով, հաղորդում է RMC Sport-ը։

Փարիզյան ակումբը ցանկանում է Էնցո Ֆերնանդեսի օգնությամբ մեծացնել ներթիմային մրցակցությունը։

Աշխարհի առաջնության լավագույն երիտասարդ ֆուտբոլիստի մրցանակին արժանացած Էնցո Ֆերնանդեսին ձեռք բերելու ցանկություն ունեն նաեւ «Ռեալը», «Բարսելոնան», «Ինտերը», «Մանչեսթեր Սիթին», «Լիվերպուլը»։

Էնցո Ֆերնանդեսը մասնակցեց աշխարհի առաջնության բոլոր հանդիպումներին (7), խփեց 1 գոլ, կատարեց 1 գոլային փոխանցում։

Արգենտինան երրորդ անգամ նվաճեց աշխարհի գավաթը։