Դանի Ալվեսը՝ Մեսիին․ Ֆուտբոլը սիրում է քեզ, ֆուտբոլ սիրողները հարգում եւ շնորհավորում են քեզ

Բրազիլիայի հավաքականի պաշտպան Դանի Ալվեստ շնորհավորել է աշխարհի չեմպիոնի կոչումը նվաճած արգենտինացի Լիոնել Մեսիին։

«Այս աշխարհը սիրում է քեզ, ֆուտբոլը սիրում է քեզ Մեսի, ֆուտբոլ սիրողները հարգում եւ շնորհավորում են քեզ այս հաղթանակի առթիվ։

Վայելիր պահը ընտանիքիդ հետ եւ բոլոր նրանց հետ, ովքեր անցնում, գնում են։ Որպես բրազիլացի եւ հարավամերիկացի՝ ես գիտեմ, որ սա ավելին է, քան պարզապես հաղթանակ աշխարհի առաջնությունում»,- սոցիալական ցանցերում գրել է Դանի Ալվեսը, որը Մեսիի հետ հանդես է եկել «Բարսելոնայում»։

Աշխարհի առաջնության եզրափակիչում Արգենտինայի հավաքականը հետխաղային 11-մետրանոցներով (2:2, 1:1, 11մ` 4:2) հաղթել էր Ֆրանսիային։

Մեսին կարիերայում երկրորդ անգամ արժանացավ աշխարհի առաջնության լավագույն խաղացողի «Ոսկե գնդակ» մրցանակին։ Առաջին անգամ նա այդ մրցանակը ստացել էր 2014թ․ աշխարհի առաջնությունում, թեեւ Արգենտինան եզրափակիչում պարտվել էր Գերմանիային։ Մեսին միակն է պատմության մեջ այս ցուցանիշով։