Գյումրիում դպրոցականի դանակահարության գործը փակուղի է մտել
Շիրակի մարզի ըհդհանուր իրավասության դատարանում շարունակվում է Գյումրիի դպրոցներից մեկի բակում անցած տարվա հոկտեմբերին անչափահասին դանակահարելու գործով դատաքննությունը:
NEWS.am-ի հետ զրույցում ամբաստանյալ, Ռուսաստանի Դաշնության քաղաքացի Ալլադդինի պաշտպան Արտակ Քոչարյանը հայտնեց, որ մի քանի նիստ է՝ չեն կարողանում ապահովել վկաների ներկայությունը:
«Այսքան ժամանակ ընդամենը 2-3 վկայի ենք հարցաքննել դատարանում, մյուսները չեն ներկայանում: Դատարանը նույնիսկ բերման ենթարկելու որոշում է կայացրել, հիմա սպասում ենք զարգացումներին»,- ասաց պաշտպանը:
Նշենք, որ վկաները երկու կողմի ընկերներն են, մի մասը ՌԴ քաղաքացիներ եւ ըստ լուրերի, այլեւս Հայաստանում չեն բնակվում:
Ըստ մեղադրական եզրակացության՝ Ռուսաստանի Դաշնության քաղաքացի Ալադդինը Գյումրիի բնակիչ Դավիթին ծաղրելու հարցի շուրջ վերջինիս առաջարկով նրա հետ պարզաբանումներ կատարելու նպատակով ընկերների հետ 2016թ. հոկտեմբերի 16-ին թիվ 19 ռուսական դպրոցի հետնամասում հանդիպել է Դավիթին և նրա ընկերներին: Նրանց միջեւ խոսակցությունը վերածվել է վիճաբանության, ինչի ընթացքում Տիգրանը մետաղյա խողովակով 2 անգամ հարվածել է Ալադդինին, իսկ նա Տիգրանին մարմնական վնասվածք պատճառելու դիտավորությամբ իր մոտ եղած դանակով 1 անգամ հարվածել է կրծքավանդակի հետին մասին՝ պատճառելով կյանքին վտանգ սպառնացող ծանր վնաս:
Ալադդինին մեղադրանք է առաջադրվել Քրեական օրենսգրքի 112-րդ հոդվածի 1-ին մասով: Նա ստորագրությամբ ազատ է արձակվել:
Վիճաբանության պատճառը եղել է «բրեկետ» դիմելաձեւը:
Ավելի վաղ հայտնել էինք, որ Գյումրիի 8-րդ զինվորական թաղամասում անչափահաս երեխա է դանակահարվել: Նախնական տեղեկություններով՝ վիճաբանություն էր եղել 14 տարեկան երեխաների միջեւ, վեճն ավարտվել էր դանակահարությամբ:


















































ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Հաղթենք դիաբետը միասին
Ոչ սթափ ղեկին մի նստի՛ր (տեսանյութ)
Այո՛, դա պարտություն կլինի, անկասկած
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
Շախմատիստ Նարե Իսախանյանը դարձել է Եվրոպայի փոխչեմպիոն
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ