Ռոնալդուն արտասվելով լքեց խաղադաշտը, նա ոչ մի գոլ չի խփել ԱԱ-ների փլեյ-օֆֆում

Պորտուգալիայի հավաքականի 37-ամյա հարձակվող Կրիշտիանու Ռոնալդուն արտասվելով հեռացավ խաղադաշտից աշխարհի առաջնության քառորդ եզրափակիչում Մարոկկոյի հավաքականին 0:1 հաշվով պարտությունից հետո։

Ռոնալդուն աշխարհի առաջնությունների փլեյ-օֆֆում ոչ մի գոլ չի խփել։

Կարիերայի ընթացքում նա մասնակցել է ԱԱ-ի փլեյ-օֆֆի 8 հանդիպման, 570 րոպեում հարվածին կատարել է 27 հարված, բայց գրավել մրցակցի դարպասը չի կարողացել, հաղորդում է Opta-ն։

Մարոկկոն աշխարհի առաջնության կիսաեզրափակիչ հասած առաջին աֆրիկյան թիմն է եւ կմրցի Անգլիա - Ֆրանսիա դիմակայության հաղթողի հետ։