Արգենտինան Մեսիի գլխավորությամբ արժանի դիմադրություն ցույց տվեց, բայց պարտվեց

Ֆուտբոլի աշխարհի առաջնությունում այսօր Երեւանի ժամանակով 14.00-ին կայացավ առաջին խաղը: C խմբում ընդգրկված Արգենտինայի հավաքականը հանդիպեց Սաուդյան Արաբիայի հետ:

Սաուդյան Արաբիան հրաշալի տպավորություն տվեց եւ կամային հաղթանակ տարավ 2:1 հաշվով:

Արգենտինացիներն արժանի դիմադրություն ցույց տվեցին, անգամ կարող էին որ-ոքի կորզել, բայց... Այս անգամ սաուդցիներն ավելի ուժեղ էին:

Մեսիի 11 մետրոնոց հարվածից տասներորդ րոպեին խփած գոլին սաուդցիները պատասխանեցին երկու գեղեցիկ գոլով երկրորդ խաղակեսի ամենասկզբում: Գոլի հեղինակ դարձան Ալ Շեհրիին եւ Ալ Դավսարին:

C խմբի մյուս խաղում քիչ անց կմրցեն Մեքսիկայի եւ Լեհաստանի հավաքականները:

Այս թեմայով Խորվաթիան հաղթեց Մարոկկոյին. աշխարհի առաջնությունում նրանք 3–րդն են ԱԱ-2022․ Օրվա հանդիպումները ԱԱ-2022․ Օրվա հանդիպումները Դեշամ․ Մբապեն հիմա աշխարհի լավագույն ֆուտբոլիստն է Օրվա հանդիպումները