Հայ թուրքագետները ոչ թե թուրքատյաց են, այլ՝ ռեալիստ են, իսկ այդպես մտածողները՝ տգետ․ Թուրքագետ
«Այս գրքում ամփոփված թեզերի մի մեծ մասը՝ կապված Թուրքիայի, Ադրբեջանի և դրանց հետ հարաբերություններ հաստատելու մեխանիզմներին, մեծապես խեղաթյուրված են ներկայացնում այդ երկրները, դրանց հասարակությունները, պետական մտածողությունը, Հայաստանի և հայերի հանդեպ ունեցած քաղաքականությունը և մարտավարությունը։ Այս թեզերով ապակողմնորոշում են մեր հասարակության որոշակի շերտի, հատկապես իշխանամետ շերտին, և սա ոչ այլ ինչ է, եթե ոչ հասարակությանը ռեալ վտանգի առջև զնաթափ անել»,- ասաց թուրքագետ, պատմական գիտությունների դոկտոր, պրոֆեսոր Ռուբեն Մելքոնյանը՝ իր ««Խաղաղության դարաշրջանի» գաղափարախոսական սահմանադրությունը. (Ժիրայր Լիպարիտյանի «Հայաստան-Թուրքիա. պետականություն, պատմություն, քաղաքականություն» գրքի թուրքագիտական գրախոսություն)» աշխատանքի շնորհանդեսի ժամանակ։
«Ինչո՞ւ եք խաբում ժոովրդին՝ կեղծ խաղաղասիրական թեզեր տալածելով, ինչո՞ւ եք խաբում ժողովրդին՝ նրանց հմոզելով, թե թուրքերն ու ադրբեջանցիներն այդքան էլ վատը չեն և ուզում են խաղաղություն։ Եվ որքանո՞վ է բարոյական թալանել ժողովրդի ինքնապաշտպանական բնազդը և նրան անպաշտպան թողնել թշնամու առաջ, ով խոսում է Սևանը, Ջերմուկը, Երևանը գրավելու իր բացահայտ ցանկությունների մասին»,- հայտարարեց նա՝ դիմելով իշխանություններին և նրանց աջակից Ժիրայր Լիպարիտյանին։ (Ժիրայր Լիպարիտյանը ՀՀ առաջին նախագահ Լևոն Տեր-Պետրոսյանի գլխավոր խորհրդականն է եղել, թուրք-ադրբեջանական բարեկամական հարաբերությունների հաստատման ջերմ քարոզիչ, Փաշինյանի աջակից)։
Ռուբեն Մելքոնյանն ասաց, որ ինքն ու գործընկերները պատասխանատու են իրենց համարում Թուրքիայի ու Ադրբեջանի և քարոզչական կեղծ թեզերի մասին ճշմարտությունները ներկայացնել լայն հասարակությանը։
«Ինձ համար բացարձակ անընդունելի է որոշ խուսափող գիտնականների մեջ տարածված այդ հայտնի ու կեղծ կարգախոսը, թե՝ «ես իմ գործն եմ անում, չեմ զբաղվում քաղքականությամբ և այս ամենը ինձ չի հետաքրքրում»։ Սա այս պայմաններում երիցս սխալ է, ուստի այս վիճակում գիտությունը և հատկապես արևելագիտությունը պետք է աշխատի էքստրեմալ ռեժիմով, բացահայտի, ներկայացնի թշնամի երկրներից եկող սպառնալիքները և տա դրանց կանխարգելելու առաջարկներ։
Նորմալ իրավիճակում ես էլ այս գրքի մասին մի գրախոսություն կգրեի մի ամսագրում, կկարդային մի 10 կամ 20 հոգի և դրանով իմ գործը կհամարեի արված։ Ես այս պայմաններում հատուկ եմ հրավիրել այս ձևաչափը, որ հանրային լայն շերտերին ներկայացնեմ, որ այս իշխանության և նրա «խաղաղության դարաշրջանի» գարաղափարախոսը՝ Լիպարիտյանը, շատ հարցերում սխալ է և շատ հարցերում ապակողմնորոշում է հասարակությանը, և սա գոյութենական վտանգ է»,- ասաց թուրքագետը։
Եզրափակելով խոսքը՝ Ռուբեն Մելքոնյանն ասաց․ «Որոշ շրջանակներ ասում են, թե հայ թուրքագետները ոչ թե թուրքագետ են, այլ թուրքատյաց են։ Այդ թեզերն առաջ տանողներն իրենց դիրքավորում են որպես «լայնախոհ և խորագիտակ էքսպերտներ»։ Ուզում եմ հեռակա պատասխանել նրանց, որ թուրքագետները ոչ թե թուրքատյաց են, այլ, ի տարբերություն ձեզ, ռեալիստ են, ավելի խորքային են պատկերացնում այդ թշնամական երկրները։ Իսկ դուք տառապում եք էքսպերտային քաղքենիությամբ, իսկ Թուրքիայի և ադրեջանի հետ կապված շատ հարցերում, կներեք, ուղղակի տգետ եք»։
Մանրամասն՝ տեսանյութում։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է