Հավատարիմ ստի եւ մանիպուլյացիաների գծին. Ադրբեջանի ԱԳՆ-ն Հայաստանին մեղադրում է «բանակցություններ ձեւացնելու» մեջ
Հավատարիմ մնալով ստի եւ մանիպուլյացիաների ավանդույթին՝ Ադրբեջանի ԱԳՆ-ն Հայաստանի եւ Արցախի դեմ իրենց իսկ սանձազերծած ագրեսիայի երկրորդ տարելիցի օրը հանդես է եկել հայտարարությամբ՝ Հայաստանին մեղադրելով ագրեսիայի մեջ։
Չնայած միջազգային հանրության ներկայացուցիչների բազմաթիվ կոչերին՝ դուրս բերել զորքերը Հայաստանի օկուպացված տարածքից, Ադրբեջանի ԱԳՆ-ն կոչ է անում Երեւանին «հարգել միջազգային իրավունքի հիմնարար սկզբունքները, մասնավորապես՝ ինքնիշխանությունը, տարածքային ամբողջականությունը եւ միջազգայնորեն ճանաչված սահմանների անձեռնմխելիությունը, եւ դադարեցնել բանակցությունների իմիտացիան»։ «Հայաստանը, վերջապես, պետք է դադարեցնի բանակցությունների իմիտացիան եւ իրական, կառուցողական քայլեր ձեռնարկի։ Տարածաշրջանի խաղաղ զարգացման ուրիշ այլընտրանք չկա»,- նշվել է Ադրբեջանի ԱԳՆ-ի հաղորդագրությունում։ Ակնհայտ է, որ Բաքվում նկատի ունեն Հայաստանի անվերապահ համաձայնությունն Ադրբեջանի բոլոր պահանջներին։
Բաքվում կարծում են, որ Երեւանը տարածաշրջանում հաղորդակցությունների բացման «գործնական քայլեր չի ձեռնարկում» եւ շարունակում է ռազմական սադրանքները։ Դրանով Հայաստանը լրջորեն խափանում է հետհակամարտային կարգավորման փորձերը, նշել են Ադրբեջանի ԱԳՆ-ում։
Բաքվում, հավանաբար, կարծում են, թե սեպտեմբերի 13-ին իրենց սկսած ագրեսիան Հայաստանի ինքնիշխան տարածքի հանդեպ որքան հնարավոր է լավ է «նպաստում» խաղաղությանն ու կայունությանը տարածաշրջանում։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գայի պողոտայում գտնվող առևտրի կենտրոններից մեկում հրդեհ է բռնկվել
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Խամենեիի գտնվելու վայրը գաղտնի է պահվում՝ անվտանգությունից ելնելով
Գազամատակարարման վթարային դադարեցում Երևանի մի շարք հասցեներում
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը