Արտակարգ իրավիճակ Երևանում. Հանրապետության փողոցի շենքերից մեկի բնակարանում պայթյուն է լսվել
shamshyan.com-ը գրում է. Քիչ առաջ ահազանգ է ստացվել Արտակարգ իրավիճակների նախարարության փրկարար ծառայության օպերատիվ կառավարման կենտրոն, որ հրդեհ է բռնկվել Կենտրոն վարչական շրջանի Հանրապետության 71 շենքի բնակարաններից մեկում:
Ինչպես հայտնում է ֆոտոլրագրող Գագիկ Շամշյանը, այս պահին հրդեհի վայր են ժամանել հրշեջ-փրկարարական ջոկատը՝ 3 մարտական հաշվարկով՝ ավտոսանդուղքով, ովքեր քաղաքացիների օգնությամբ փորձում են մարել 5-րդ հարկում առաջացած հրդեհը:
Արդյոք տանը մարդիկ եղել են, թե ոչ՝ դա պարզ կլինի հրդեհը մարելուց հետո:
Դեպքի վայր են ժամանել նաև Ոստիկանության կենտրոնական բաժնի ծառայողները:
Ժամանել է նաև Երևանի 1-03 շտապօգնության բրիգադը: