Իրաքը ընդամենը բողոքել է թուրքական ներխուժումից
Իրաքի Արտաքին գործերի նախարար Ֆուադ Հուսեյնն ասել է, որ Հյուսիսային Իրաքի կիսաինքնավար քրդական Դոհուկ գավառում զբոսաշրջային հանգստավայրի վրա տեղի ունեցած մահացու հարձակման համար Թուրքիան պաշտոնապես ներողություն չի խնդրել:
Նա նշել է, որ հարձակման պահին «Քրդական բանվորական կուսակցության» կառույցները տարածքում չեն եղել եւ հավելել է, որ այս առթիվ Իրաքի կառավարությունը պաշտոնական բողոք է ներկայացրել ՄԱԿ-ի Անվտանգության խորհրդին: Նա հավելել է նաեւ, որ Թուրքիան պատասխանատու է միջադեպի համար եւ շեշտել, որ իր երկրի տարածք մտնելու իրավունք չունի:
«Մենք գիտենք, որ «Քրդական բանվորական կուսակցությունը» խնդիր է Թուրքիայի համար, սակայն Թուրքիան չի կարող մտնել Իրաքի տարածք, երբ կամենա։ Թուրքիան եւ վերոնյալ կուսակցությունն իրենց խնդիրները մտցրել են Իրաք, եւ մենք դա ընդունել չենք կարող։ Իրաքը, իր հարեւանների հետ ունեցած խնդիրները, չի ցանկանում լուծել ռազմական ճանապարհով», - ասել է Իրաքի արտգործնախարարը:
Հիշեցնենք, որ Փարահ գյուղի հրետակոծության հետեւանքով զոհվել էր 9-ը եւ վիրավորվել 23 մարդ:
Իրաքի վարչապետը Թուրքիային նախազգուշացրել էր, որ Իրաքն ինքն իրեն «վրեժ լուծելու իրավունք» է վերապահում՝ գնդակոծությունն անվանելով ինքնիշխանության «կոպիտ խախտում»։
Իրաքը հայտարարել է, որ Անկարայից հետ է կանչում իր գործերի ժամանակավոր հավատարմատարին եւ Թուրքիայից պահանջում է պաշտոնական ներողություն խնդրել, ինչպես նաեւ դուրս բերել իր զինված ուժերը Իրաքի ողջ տարածքից:
Թուրքիան հերքել է միջադեպին իր մասնակցությունն ու մեղադրել «ահաբեկչական կազմակերպություններին»:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Աշխատող ծնողների համար սահմանվում է «ծնողական ժամ»
Ցեմենտի ներմուծումը 6 ամսով կսահմանափակվի
Գերմանիայի աշխատաշուկան՝ կադրերի դեֆիցիտի առաջ
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Մոսկվայի բոլոր օդանավակայանները կրկին դադարեցրել են աշխատանքը