Թեհրան կատարելիք այցի ընթացքում Պուտինը կհանդիպի Խամենեիի հետ
Ռուսաստանի նախագահ Վլադիմիր Պուտինը Թեհրան կատարելիք այցի ընթացքում կհանդիպի Իրանի գերագույն առաջնորդ Ալի Խամենեիի հետ, հայտնել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստին»։
«Մեր նախագահը երկու հանդիպում ունի, ավելի ճիշտ՝ նույնիսկ երեք հանդիպում, դրանք բանակցություններ են Իրանի նախագահ Ռայիսիի, Թուրքիայի նախագահ Էրդողանի հետ, եւ նախագահը կայցելի նաեւ Իրանի գերագույն կառավարիչ Ալի Խամենեիին։ Մենք հուսով ենք, որ սա շատ հագեցած երկխոսություն կլինի»,- ասել է Պեսկովը։
Նրա խոսքով՝ Իրանը Ռուսաստանի բարեկամն ու գործընկերն է, եւ Մոսկվան շատ է գնահատում երկկողմ հարաբերությունները։ «Վերջին ամիսներին, վերջին մի քանի տարիներին հավելյալ մի քանի ազդակներ են հաղորդվել բոլոր ոլորտներում՝ քաղաքական, դիվանագիտական համակարգման, տնտեսական փոխգործակցության»,- հավելել է նա։
Պեսկովը նշել է, որ Իրանն ու Ռուսաստանը ժամանակի հետ կհեռանան համագործակցության մեջ դոլար օգտագործելու պրակտիկայից։ «Եվ մենք բոլորս գիտենք, որ անցյալ տարի երկու երկրների միջեւ առեւտրատնտեսական հարաբերությունների ծավալը փոքր-ինչ գերազանցել է չորս միլիարդ ԱՄՆ դոլարը, թեեւ դրանք ԱՄՆ դոլարով հաշվելը կարող է սխալ լինել, եւ ժամանակի ընթացքում մենք հավանաբար կհեռանանք այդ պրակտիկայից՝ բանկային եւ ֆինանսական ոլորտում մեր համագործակցության զարգացմանը զուգահեռ»:
Նա պարզաբանել է, որ միայն այս տարվա առաջին չորս ամիսներին ապրանքաշրջանառությունն աճել է 31 տոկոսով՝ դա անվանելով դրական միտում։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Կիևի պահանջները նման են անհատակ փոսի․ Սիյարտո
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...