Լեգենդար դարպասապահ Չիլավերտը կմասնակցի Պարագվայի նախագահի ընտրություններին

Ֆուտբոլի Պարագվայի ազգային հավաքականի նախկին դարպասապահ Խոսե Լուիս Չիլավերտը հայտարարել է երկրի նախագահի ընտրությանը մասնակցելու մասին։

«Լավագույն Պարագվայի կառուցման համար պատասխանատվության զգացումով որոշել եմ պաշտոնապես ձեւակերպել իմ թեկնածությունը երկրի նախագահի ընտրությունում»,- Թվիթերում գրել է 56-ամյա Չիլավերտը։

Պարագվայի հավաքականի կազմում Չիլավերտը մասնակցել է 1998 եւ 2002 թվականների աշխարհի առաջնություններին։ 1996-ին նա ճանաչվել է Հարավային Ամերիկայի լավագույն ֆուտբոլիստ։ Կարիերայի ընթացքում Չիլավերտը խփել է 67 գոլ։ 1999-ին նա դարպասապահների մեջ առաջինը եւ միակը դարձավ հեթ-տրիկի հեղինակ։

Պարագվայի նախագահի ընտրությունը տեղի կունենա հաջորդ տարի։