«Ռեալին» հետաքրքրել է Գաբրիել Ժեզուսը

Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալին» հետաքրքրել է Անգլիայի չեմպիոն «Մանչեսթեր Սիթիի» եւ Բրազիլիայի հավաքականի 25-ամյա հարձակվող Գաբրիել Ժեզուսը։ 23-ամյա ֆրանսիացի հարձակվող Կիլիան Մբապեի եւ 21-ամյա նորվեգացի հարձակվող Էրլինգ Հոլանդի տրանսֆերները բաց թողնելուց հետո Արքայական ակումբը դիտարկում է Ժեզուսի տարբերակը, հաղորդում է Cadena Ser-ը։

Ավարտված մրցաշրջանում Ժեզուսը կատալոնացի Խոսեպ Գվարդիոլայի գլխավորած թիմի հետ մասնակցել է 41 հանդիպման, խփել 13 գոլ, կատարել 12 գոլային փոխանցում։

Նրա պայմանագիրը «Մանչեսթեր Սիթիի» հետ նախատեսված է մինչեւ հաջորդ մրցաշրջանի ավարտը։

Հիշեցնենք, որ հուլիսի 1-ից «Մանչեսթեր Սիթիին» կմիանա Էրլինգ Հոլանդը, որի գալուց հետո քիչ հավանական է Ժեզուսի մշտական տեղը մեկնարկային կազմում։