«Բորժոմի»-ի արտադրողը պատրաստ է ընկերությունն անհատույց փոխանցել Վրաստանի կառավարությանը

IDS Borjomi International-ը պատրաստ է Վրաստանի կառավարությանը փոխանցել «Բորժոմի» հանքային ջրի շշալցման գործարանների սեփականատեր ընկերության բաժնետոմսերի վերահսկիչ փաթեթը: Այս մասին ասվում է ընկերության կողմից հինգշաբթի օրը հրապարակված հաղորդագրության մեջ։

«IDS Borjomi International-ն այսօր հայտարարում է, որ Վրաստանի կառավարության հետ բանակցություններից հետո իր վերահսկողության տակ գտնվող ընկերությունը պաշտոնապես բաժնեմասի անհատույց փոխանցում կառաջարկի Վրաստանի կառավարությանը: Այս քայլը Վրաստանի կառավարությանը հնարավորություն կտա մասնակցել միջազգային ընկերության կառավարմանը»,- ասվում է հայտարարության մեջ։