Մբապեն «Ռեալի» հետ համաձայնության չի հասել մեկ պատճառով

Ֆրանսիական ՊՍԺ-ի եւ աշխարհի չեմպիոն Ֆրանսիայի հավաքականի հարձակվող Կիլիան Մբապեն Մադրիդի «Ռեալի» հետ համաձայության չի հասել իր իմիջային իրավունքի 50 տոկոսի պատճառով, հաղորդում է El Pais-ը։

Արքայական ակումբում ընդունված կարգի համաձայն՝ խաղացողների իմիջային իրավունքից ստացվող եկամուտի 50 տոկոսը բաժին է հասնում ակումբին։ Մբապեն սկզբունքորեն դեմ է իր իմիջային իրավունքից ստացվող եկամուտից մասնաբաժին հանելուն։ Այդ պատճառով վերջերս Մբապեն բոյկոտել էր հովանավորների առջեւ ունեցած պարտավորությունները Ֆրանսիայի հավաքականում։

ՊՍԺ-ն համաձայնել է Մբապեին պահանջին եւ ֆուտբոլիստին է թողել իմիջային իրավունքի 100 տոկոսը։

«Ռեալը» Մբապեին առաջարկել է 180 միլիոն եվրո բոնուս Մադրիդ տեղափոխվելու համար եւ տարեկան 40 միլիոն եվրո աշխատավարձ։

ՊՍԺ-ն 23-ամյա խաղացողին կվճարի 100 միլիոն եվրո բոնուս եւ երկու տարվա համար 100 միլիոն եվրո վարձատրություն։ Սպասվում է, որ առաջիկայում Մբապեն երկու տարվա պայմանագիր կկնքի ՊՍԺ-ի հետ։ Գործող պայմանագիրը նախատեսված է մինչեւ հուլիսի 1-ը։