«Բրյուգեն» հաղթեց եւ բարձրացավ առաջին տեղ, Ադամյանը մեկնարկային կազմում էր

Բելգիայի առաջնության չեմպիոնական խմբի երրորդ տուրում «Բրյուգեն» հյուրընկալվեց առաջատար «Ռոյալ Յունիոնին» եւ առավելության հասավ 2։0 հաշվով։

74-րդ րոպեին խաղի հաշիվը բացեց հյուրերի բելգիացի կիսապաշտպան Հանս Վանակենը։

Հայաստանի հավաքականի հարձակվող Սարգիս Ադամյանը «Բրյուգեի» մեկնարկային կազմում էր եւ փոխարինվեց 70-րդ րոպեին։

Ավելացված 8-րդ րոպեին «Բրյուգեի» առավելությունը կրկնապատկեց նորվեգացի հարձակվող Անտոնիո Նուսան։

«Բրյուգեն» 43 միավորով բարձրացավ առաջին տեղ։ Նույնքան միավոր ունի երկրորդ տեղ նահանջած «Ռոյալ Յունիոնը»։

Բելգիայի առաջնություն, չեմպիոնական խումբ, երրորդ տուր

«Ռոյալ Յունիոն» - «Բրյուգե»՝ 0։2

Հանս Վանակեն, 74, Անտոնիո Նուսա, 90+8

Չիրացրած 11մ՝ Դանթե Վազեյր («Ռոյալ Յունիոն»), 55