«Բարսելոնան» ու «Աթլետիկոն» առաջարկ կանեն Դի Մարիային

Մադրիդի «Աթլետիկոն» ու կատալոնական «Բարսելոնան» պայմանագիր կառաջարկեն ֆրանսիական ՊՍԺ-ի եւ Արգենտինայի հավաքականի 34-ամյա կիսապաշտպան Անխել Դի Մարիային, հաղորդում է TyC Sports-ը։

34-ամյա ֆուտբոլիստի պայմանագիրը փարիզյան ակումբի հետ կավարտվի հուլիսի 1-ին։ Կողմերը չեն երկարաձգի համագործակցությունը, եւ Դի Մարիան անվճար կտեղափոխվի այլ թիմ։

Նրա ծառայություններով հետաքրքրված են նաեւ Թուրինի «Յուվենտուսն» ու պորտուգալական «Բենֆիկան»։

Ֆրանսիայի ընթացիկ առաջնությունում Դի Մարիան մասնակցել է 21 հանդիպման, խփել 3 գոլ, կատարել 5 գոլային փոխանցում։