18+ Թուրքական Տրապիզոնում ադրբեջանցին թեյարանի այգում սպանել է կնոջը. (տեսանյութ)

Տրապիզոնում Ադրբեջանի 34-ամյա քաղաքացի Էլվին Ումաևը թեյարանի այգում կրակել է կնոջ՝ 38-ամյա Թուրանա Ումաևայի գլխին։ Թուրքական լրատվամիջոցների փոխանցմամբ՝ զույգը ամուսնալուծության գործընթացի մեջ էր։

Դեպքը տեղի է ունեցել ժամը 22։00-ի սահմաններում։ 4 ամիս առաջ բանտից ազատված Էլվին Ումաևը այգում հանդիպել է իր կնոջը՝ Թուրանա Ումաևային՝ ամուսնալուծությունից հետո երեխայի խնամակալության հարցերը քննարկելու համար։

Թեյարանում նստած ամուսինների միջեւ վիճաբանություն է սկսվել, ինչի արդյունքում Էլվին Ումաեւը ատրճանակից կրակել է Թուրանա Ումաեւայի գլխին։

Կինը դեպքի վայրում մահացել է, իսկ Էլվին Ումաևը ատրճանակով գնացել է ոստիկանական բաժանմունք և հանձնվել։